Ադրբեջանից Ռուսաստան բանջարեղենի մատակարարումները կարող են դադարեցվել

«Ռոսսելխոզնադզորի» ղեկավարությունը   արհեստականորեն նախադրյալներ է ստեղծում  Ադրբեջանից սննդամթերքի ներմուծումը դադարեցնելու համար։ Այս մասին «Minval» հրատարակչությանը հայտնել է Հանրապետության մրգերի և բանջարեղենի արտադրողների և արտահանողների ասոցիացիայի նախագահ Բաշիր Գուլիևը։

Նրա խոսքով՝ Ռուսաստանը սկսում է տարբեր երկրներից մատակարարվող ապրանքների մեջ «վնասակար նյութեր կամ հավելումներ» հայտնաբերել ամեն անգամ, երբ Մոսկվայի դիվանագիտական ​​կամ քաղաքական հարաբերությունները հարևան երկրների հետ վատթարանում են։

Գուլիևն ընդգծել է, որ այսօր նմանատիպ իրավիճակ է նկատվում նաև Ադրբեջանից մրգերի և բանջարեղենի արտահանման հետ կապված։