Դոհայում շարունակում են Իսրայելի և ՀԱՄԱՍ-ի միջև բանակցությունները

Իսրայելի և պաղեստինյան ՀԱՄԱՍ շարժման ներկայացուցիչները հուլիսի 8-ին Դոհայում վերսկսել են անուղղակի բանակցությունները Գազայի հատվածում հրադադարի շուրջ համաձայնության հասնելու նպատակով: Այս մասին հաղորդել է Agence France-Presse-ը՝ վկայակոչելով պաղեստինյան մի աղբյուրի:

Գործակալության զրուցակցի խոսքով՝ խորհրդակցությունների մասնակիցները հիմնականում քննարկում են Գազայի հատվածում հրադադարի ապագա համաձայնագրի իրականացման մեխանիզմը, մասնավորապես՝ այն դրույթները, որոնք վերաբերում են պաղեստինյան անկլավից իսրայելական զորքերի դուրսբերմանը և մարդասիրական օգնության մատակարարման կազմակերպմանը: