Զախարովան «կամավորների կոալիցիային» համեմատել է զոմբիների ամբոխի հետ

Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան «կամավորների կոալիցիան» համեմատել է զոմբիների ամբոխի հետ, որը տեղաշարժվում է ինչ-որ տեղ, բայց չի կարողանում ձևակերպել, թե ինչ է ուզում: Նրա խոսքերը մեջբերել է «Ռադիո Սպուտնիկը»։

Նա նշել է, որ նախկինում արևմտյան ասոցիացիաները իրենց անուններն ընտրել են պատմական ավանդույթների, դիցաբանությունների կամ կրոնական աշխարհայացքների հիման վրա, բայց հիմա դա «անհեթեթություն» է։

«Բայց առողջ մարդը, որը կապկպված չէ սա մեկնաբանելու և մեջբերելու անհրաժեշտությամբ, ինքն իրեն հարց է տալիս՝ ինչպե՞ս: Ի՞նչ է սա: Ովքե՞ր են սրանք: Սրանք քաղցած կոկորդիլոսներ են», - ասել է Զախարովան։

Նա նաև ասել է, որ «կամավորների կոալիցիան» անհագ է, ինչպես զոմբիների ամբոխը։

«Նրանք ձեռքերը տարածում են և ինչ-որ տեղ են գնում: Նրանք ուզում են, բայց չեն կարողանում ձևակերպել, թե ինչ են ուզում: Բայց նրանք ակնհայտորեն վտանգ են ներկայացնում, քանի որ անհագ են», - ասել է Ռուսաստանի արտաքին գործերի նախարարության ներկայացուցիչը։