ՌԴ-ում կանխվել է երկաթուղային կամրջի պայթեցումը՝ կասկածյալը տեղում չեզոքացվել է

Սարատովի մարզում ուժային կառույցները կանխել են ահաբեկչություն՝ նպատակ ունենալով պայթեցնել երկաթուղային կամուրջ։ «ՌԻԱ Նովոստի»-ի փոխանցմամբ՝ ՖՍԲ-ն հաղորդել է, որ հարձակումը նախապատրաստում էր մի քաղաքացի, որը կապ է ունեցել Ուկրաինայի հետ և նախատեսում էր փախչել այնտեղ՝ միանալու ռազմական գործողություններին։

Տեղեկությունների համաձայն՝ ահաբեկիչը ձեռքին ուներ 11 կիլոգրամ քաշով ինքնաշեն ռումբ, «Մակարով» տեսակի ատրճանակ և զինամթերք։ Նրան բռնել են այն պահին, երբ փորձել է վերցնել թաքցրած ռումբը։ Կասկածյալը դիմադրել է և գնդակահարվել իրավապահների կողմից։

Դեպքի առթիվ հարուցվել է քրեական գործ՝ ապօրինի պայթուցիկ նյութերի շրջանառության և պատրաստման հոդվածներով։ Քննչական մարմինները ուսումնասիրում են նաև ահաբեկչություն նախապատրաստելու մասով գործ հարուցելու հարցը, հայտնում է Лента.ру-ն։