Բելառուսը սկսում է «Ադունոկ» մարտական ռոբոտների փորձարկումները

Բելառուսական «Դիսփլեյ» կոնստրուկտորական բյուրոն մշակել է «Ադունոկ-Մ» շարքի մարտական ռոբոտացված համակարգեր, որոնք այժմ անցնում են պետական փորձարկումներ։ Այդ մասին հայտնել է Բելառուսի Պաշտպանական արդյունաբերության պետական կոմիտեն՝ Telegram-ում։

Սարքերի շարքը ներառում է տարբեր դասերի թրթուռավոր ռոբոտներ՝ «Ադունոկ-Մ120», «Մ200», «Մ250» և «Մ700», որոնք կարող են գործել մինչև 2.5 կմ հեռավորության վրա։ Նրանց առավելագույն բեռնատարողությունը հասնում է 700 կգ-ի։

Ռոբոտները նախատեսված են ինչպես հեռակառավարվող զինված մոդուլների տեղադրման, այնպես էլ զինամթերքի փոխադրման և վիրավորների տարհանման համար։ «Ադունոկ»-ները կարող են համալրվել գնդացիրներով՝ չզրահապատ թիրախների և անձնակազմի դեմ կիրառման համար, գրում է Лента.ру-ն։