Ուկրաինայի համար «կրիտիկական ամիսներ» են․ CNN

Առաջիկա ամիսները «կրիտիկական և անկանխատեսելի» կլինեն Ուկրաինայի համար՝ չնայած ԱՄՆ-ի կողմից ռազմական օգնության վերսկսմանը։ Այս մասին գրում է CNN-ը։

Հեռուստաալիքը բարձր է գնահատել Սպիտակ տան ղեկավար Դոնալդ Թրամփի որոշումը՝ շարունակել զենքի մատակարարումը Ուկրաինային, սակայն նշել է, որ քիչ հավանական է, որ դա կօգնի Ուկրաինային։

CNN-ը ընդգծել է, որ Ուկրաինայի նախագահ Վոլոդիմիր Զելենսկին լրացուցիչ Patriot հակաօդային պաշտպանության համակարգերի կարիք ունի, քանի որ միայն դրանք են ի վիճակի հակազդել ռուսական բալիստիկ հրթիռներին։

Հեռուստաալիքի տվյալներով՝ ամերիկացի առաջնորդի հայտարարությունները Ուկրաինային զինելու մասին և Ռուսաստանի նախագահ Վլադիմիր Պուտինին ուղղված քննադատությունը վկայում են «ԱՄՆ տասնամյակների արտաքին քաղաքականության հիմնական սկզբունքին վերադարձի մասին», որը Ռուսաստանի Դաշնությանը դիմակայելն է։