Մեծ Բրիտանիան փոխել է Ուկրաինայի հակամարտության կարգավորման վերաբերյալ իր ծրագիրը․ Telegraph

Միացյալ Թագավորությունը և Եվրամիությունը հետաձգել են իրենց զորքերը Ուկրաինա ուղարկելու ծրագրերը։ Այս մասին հայտնել է բրիտանական The Telegraph թերթը՝ հղում անելով աղբյուրներին։

«Մեծ Բրիտանիան և Եվրոպան մի կողմ են դրել Ուկրաինայում հազարավոր զորքեր տեղակայելու ծրագրերը, քանի որ ԱՄՆ նախագահ Դոնալդ Թրամփի՝ պատերազմի ավարտի շուրջ բանակցությունների փորձերը ձախողվել են», - ասվում է հոդվածում։

Լրագրողները նշել են, որ «կամավորների կոալիցիան» այժմ հյուծման հակամարտության մեջ կկենտրոնանա Ուկրաինային աջակցելու վրա։ Հոդվածի հեղինակների կարծիքով՝ նման որոշումը եվրոպական երկրների ծրագրերի մեղմացում է։