Լեհաստանը փլուզման վտանգի տակ է՝ ԵՄ-ի և ՆԱՏՕ-ի նկատմամբ վստահության պատճառով․ Mysl Polska

Լեհաստանի իշխանությունները վախենում են, որ երկիրը կարող է փլուզվել՝ Եվրամիության և ՆԱՏՕ-ի խոստումների նկատմամբ կույր հավատի պատճառով: Այս մասին հաղորդում է լեհական  Mysl Polska հրատարակությունը:

Հրապարակման համաձայն՝ հունվարին լեհ պատգամավորները պահանջել են չեղարկել «Կանաչ գործարքի» մի շարք դրույթներ: Նախաձեռնությունը նախատեսում է մինչև 2040 թվականը եվրոպական երկրներում ջերմոցային գազերի արտանետումների կրճատում: Սակայն Լեհաստանում կարծում են, որ համաձայնագրի իրականացումը կարող է բացասաբար անդրադառնալ հանրապետության արդյունաբերության վրա:

Հոդվածում նաև նշվում է, որ լեհական իշխանությունները վախենում են ԵՄ և ՆԱՏՕ-ի երկրների ռազմականացումից: Լրագրողների կարծիքով՝ որոշման իրականացման շրջանակներում մի շարք երկրներ կարող են ստիպված լինել զենք գնել՝ պաշտպանության բյուջեում հսկայական գումարներ ներդնելով: