ՌԴ ԱԳՆ-ն հայտնել է՝ ինչպիսին է ուզում տեսնել Ուկրաինան

Ռուսաստանը ցանկանում է Ուկրաինան տեսնել որպես բարգավաճ և կայուն երկիր։ Մինչդեռ Արևմուտքն այն օգտագործում է՝ որպես գործիք իր ծրագրերն իրականացնելու համար։ Ճեպազրույցի ժամանակ այսպիսի հայտարարություն է արել Ռուսաստանի արտաքին գործերի նախարարության խոսնակ Մարիա Զախարովան, հաղորդում է ՌԻԱ Նովոստին։

«Ոչ թե այն պատճառով, որ մենք չենք ուզում Ուկրաինան տեսնել՝ որպես բարգավաճ, կայուն և խաղաղ երկիր։ Մենք դա ոչ թե պարզապես ուզում ենք, այլ նաև մեզ դա պետք է», - նշել է Զախարովան։

Նա հավելել է, որ Արևմուտքը, որը հայտարարել է Ուկրաինայի ռազմականացման մասին, նպատակ չունի այն դարձնել կայուն և զարգացած պետություն։