Պեսկովը խոսել է ԱՄՆ-ից սպասվող ակնկալիքների մասին

Ռուսաստանն ակնկալում է, որ ԱՄՆ նախագահ Դոնալդ Թրամփը կշարունակի ջանքերը Ուկրաինայի հակամարտության կարգավորման ուղղությամբ: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է РИА Новости-ն։

«Չնայած սպառազինությունների մատակարարումների վերսկսման մասին բոլոր որոշումներին, թեև ոչ ոք այնտեղ իրականում ոչինչ չի դադարեցրել, այնուամենայնիվ, հույս ունենք՝ Թրամփը և նրա թիմը կշարունակեն ջանքերը Ուկրաինական կարգավորման գործընթացը քաղաքական-դիվանագիտական հարթություն դուրս բերելու ուղղությամբ», - ասել է նա:

Վերջինս նաև ընդգծել է՝ Մոսկվան հույս ունի շարունակել երկխոսությունը Վաշինգտոնի հետ և «բավականին խոցված երկկողմ հարաբերությունները շտկելու» գիծը: