Գազայում հրադադարի վերաբերյալ համաձայնագիրը շուտով կկնքվի․ Թրամփ

Գազայի հատվածում հրադադարը հնարավոր է մոտ ապագայում, հայտարարել է ԱՄՆ նախագահ Դոնալդ Թրամփը։

«Ես ձեզ կասեմ, որ մենք շատ մոտ ենք Գազայի հարցում համաձայնագրի կնքմանը։ Մենք ցանկանում ենք հրադադար, խաղաղություն և պատանդների վերադարձ, և ես կարծում եմ, որ մենք մոտ ենք դրան», - ասել է նա՝ Սպիտակ տանը Գաբոնի, Գվինեա-Բիսաուի, Լիբերիայի, Մավրիտանիայի և Սենեգալի ղեկավարների հետ հանդիպման ժամանակ պատասխանելով լրագրողների հարցերին։

«Եթե գաղտնիությունը մեզ օգնում է հասնել մեր նպատակին, ապա թող այն գաղտնի մնա։ Մենք ուզում ենք հրադադար։ Մենք ուզում ենք խաղաղություն։ Մենք ուզում ենք պատանդներին վերադարձնել, և կարծում եմ, որ մենք մոտ ենք դրան», - ասել է Թրամփը։

ԱՄՆ առաջնորդը հավելել է, որ մեծ հավանականություն կա, որ համաձայնագիր կկնքվի այս կամ հաջորդ շաբաթ։