Զելենսկին կրկին կոչ է արել խստացնել Ռուսաստանի դեմ պատժամիջոցները

Ուկրաինայի նախագահ Վլադիմիր Զելենսկին հայտարարել է, որ խոսել է ԱՄՆ նախագահի հատուկ ներկայացուցիչ Քիթ Քելլոգի հետ և կրկին կոչ է արել խստացնել հակառուսական պատժամիջոցները։ Այս մասին Ուկրաինայի առաջնորդը գրել է իր Telegram ալիքում։

«Մենք մանրամասնորեն կենտրոնացանք պատժամիջոցների ճնշման վրա։ Մենք հասկանում ենք, որ մեզ անհրաժեշտ են ավելի խիստ սահմանափակումներ ռուսական էներգակիրների նկատմամբ և հատկապես երկրորդական պատժամիջոցներ ռուսական նավթի գնորդների նկատմամբ», - ասել է Զելենսկին։ Նրա կարծիքով, սա կարող է «ստիպել Ռուսաստանին ավելի շատ մտածել խաղաղության մասին»։