Ինդոնեզիան աջակցություն է հայտնել Բրազիլիայի և Չինաստանի՝ Ուկրաինայում խաղաղության հասնելու ծրագրին

Ինդոնեզիան միացել է Բրազիլիայի և Չինաստանի՝ Ուկրաինայում խաղաղության հասնելու ծրագրին, հայտարարել է Բրազիլիայի նախագահ Լուիս Ինասիո Լուլա դա Սիլվան։ Այս մասին հաղորդում է ՏԱՍՍ-ը։

Ինդոնեզիայի նախագահ Պրաբովո Սուբիանտոյի՝ երկիր պետական ​​այցի ժամանակ Լուլա դա Սիլվան ընդգծել է, որ երկու երկրներն էլ միշտ կողմ են եղել երկխոսությանը Ուկրաինայում հակամարտության կարգավորման գործում։ Նա շնորհակալություն է հայտնել Սուբիանտոյին «Խաղաղության բարեկամների խմբում» Ինդոնեզիայի մասնակցության համար, որին աջակցել են Բրազիլիան և Չինաստանը։