«Կալաշնիկով»-ը մատակարարել է ՍԿԱՏ 350Մ անօդաչու սարքեր պետական պայմանագրի շրջանակում

«Կալաշնիկով» կոնցեռնը հայտարարել է, որ ժամանակին և ամբողջությամբ իրականացրել է ՍԿԱՏ 350Մ մոդելի անօդաչու թռչող սարքերի խոշոր խմբաքանակի մատակարարումը՝ ըստ պետական պայմանագրի։ Այս բազմաֆունկցիոնալ համալիրները նախատեսված են տեղանքի հետախուզման և ցամաքային գործողությունների ուղեկցման համար՝ բարդ եղանակային պայմաններում և տարբեր ջերմաստիճաններում,  հայտնում է Лента.ру-ն։

Դրոնները կիրառվում են հատուկ ռազմական գործողության գոտում՝ թիրախային նշման, հարվածային միջոցների ուղղորդման և հարվածից հետո տարածքի հսկողության նպատակով։ Մեկ թռիչքի առավելագույն տևողությունը կազմում է մինչև չորս ժամ։

Ընկերությունում ընդգծել են՝ ՍԿԱՏ 350Մ-ը տարբերվում է բարձր հուսալիությամբ և մաշվածության դիմադրությամբ։ Այն հաճախ օգտագործվում է նաև «ԿՈՒԲ» տեսակի կամիկաձե դրոնների հետ համատեղ՝ համալիր մարտավարական գործողությունների շրջանակում։