Ռուսական երեք օդանավակայանում ժամանակավոր սահմանափակումներ են մտցվել

Ռուսաստանի Դոմոդեդովո, Վնուկովո և Ժուկովսկի միջազգային օդանավակայաններում ժամանակավորապես սահմանափակվել են ինքնաթիռների ընդունումն ու մեկնարկը։ Տեղեկությունը հայտնել է «Ռոսավիացիայի» ներկայացուցիչ Արտյոմ Կորենյակոն։

Սահմանափակումները, ըստ պաշտոնյայի, կապված են Մոսկվայի երկնքում թռիչքների անվտանգության ապահովման անհրաժեշտության հետ։ Արդյունքում՝ Uzbekistan Airways-ի երկու օդանավ, որոնք ուղևորվում էին Տաշքենդից և Ֆերգանայից դեպի Մոսկվա, վերաուղղվել են այլ օդանավակայաններ։

Մասնավորապես, HY 613 չվերթը վայրէջք է կատարել Նիժնի Նովգորոդում։ Նմանատիպ սահմանափակումներ ավելի վաղ կիրառվել էին նաև Կալուգայի օդանավակայանում։ «Ռոսավիացիան» վստահեցրել է, որ ի վիճակի է դիմակայել ցանկացած արտաքին միջամտության ավիացիոն համակարգին։