Պուտինը Ադրբեջանին, Ուզբեկստանին և Թուրքմենստանին մինչև տարեվերջ մտածելու ժամանակ է տվել
Ռուսաստան
Վարչապետ Վլադիմիր Պուտինը ԱՊՀ երկրների կառավարությունների ղեկավարների նիստից հետո հայտարարել է, որ ԱՊՀ մասնակից պետությունների միջև ազատ առևտրի գոտու ստեղծման մասին պայմանագիրը նախատեսում է նվազեցնել որոշ ապրանքների արտահանման և ներմուծման հարկերը:
«Մենք միասին (ԱՊՀ վարչապետներով) ապրանքատեսակների մի ամբողջ ցանկ ենք կազմել, որոնց դեպքում արտահանման և ներմուծման մաքսատուրքերը պետք է հանվեն: Կան որոշ բացառություններ և մենք պայմանավորվում ենք դրանց հետ կապված հարցերի լուծման ժամկետների շուրջ», - ասել է Պուտինը:
Պայմանագիրը ստորագրել են ԱՊՀ բոլոր երկրների կառավարությունների ղեկավարները, բացառությամբ Ադրբեջանի, Ուզբեկստանի և Թուրքմենստանի, որոնք, ըստ Պուտինի, մինչև այս տարվա վերջ կուսումնասիրեն այս համաձայնգրին միանալու հնարավորությունները:
Հիշեցնենք, որ ԱՊՀ կառավարությունների ղեկավարների խորհրդի նիստին մասնակցել է նաև ՀՀ վարչապետ Տիգրան Սարգսյանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
