Հանեք հաշվիչները․ Զախարովան առաջարկել է հաշվել՝ ով ինչքան պարտք ունի Ռուսաստանին

Ռուսաստանի արտաքին գործերի նախարարության խոսնակ Մարիա Զախարովան արձագանքել է Գերմանիայի կանցլեր Ֆրիդրիխ Մերցի այն հայտարարությանը, որ Մոսկվան պետք է Ուկրաինային վճարի 500 միլիարդ եվրո փոխհատուցում: Իր Telegram ալիքում նա առաջարկել է քննարկել, թե ով է Ռուսաստանին պարտք և որքան։

«Մտածում եմ՝ գուցե ժամանակն է, որ մենք հաշվարկենք, թե ով ինչքան է պարտք: Կարող ենք սկսել 1918-1922 թվականների արևմտյան միջամտությունից», - գրել է դիվանագետը։

Զախարովան նաև առաջարկել է հաշվել Երկրորդ համաշխարհային պատերազմի հաշվեկշիռը և ներառել Եվրոպայի ազատագրման և վերականգնման համար փոխհատուցումը: Նա նշել է, որ ԽՍՀՄ փլուզումը «էժան չէր»: Ռուսաստանի արտաքին գործերի նախարարության ներկայացուցչի խոսքով՝ արևմտյան քաղաքական գործիչները վաղուց են ճանաչել իրենց դերը այս գործընթացում, ուստի կան բոլոր հիմքերը «հաշվիչը հանելու» համար։

«Ի դեպ, Մերցը կարող է նախաձեռնողաբար գումար հատկացնել: Օրինակ՝ վճարել  խորհրդային մասնագետների կողմից Դրեզդենի պատկերասրահի գլուխգործոցների վերականգնման համար», - գրել է Զախարովան։