Սիրիայի գրոհայինները տանուլ են տվել հյուսիսում օդանավակայանների համար պայքարը

Սիրիայի ազատ բանակը հինգշաբթի օրը պարտություն է կրել օդանավակայանների համար մղվող մարտերում. հայտնում է Ալ Վատան գործակալությունը:

Ապստամբներին չի հաջողվել հասնել նույնիսկ նվազագույն հաջողության՝ Սիրիայի ազատ բանակի անկում ապրող մարտական ոգին բարձրացնելու համար:

Ինչպես հաղորդում է պարբերականը, կառավարական զորքերը հետ են մղել Հալեպի մատույցների մոտ գտնվող օդանավակայանները գրավելու ուղղությամբ հակառակորդի ձեռնարկած բոլոր գրոհները:

Միաժամանակ ճնշվել են նաև երկրի հյուսիսային մայրաքաղաքի միջազգային օդանավակայանի մոտակայքում ապստամբ գրոհայինների ունեցած բոլոր կրակակետերը: Կրակահերթի սպառնալիքը լիկվիդացվել է, մոտ ժամանակներս Հալեպի օդային հաղորդաակցությունը կվերականգնվի. հաղորդում է ИТАР-ТАСС-ը:

Սիրիայի իշխանությունները նաև հերքել են տարածված լուրերն այն մասին, թե ապստամբները գրավել են Իդլիբ նահանգում գտնվող Տաֆտանազի ռազմաօդային ուժերի բազան: