ԵՄ-ն կզրկի Իսրայելին առևտրային արտոնություններից․ Politico

ԵՄ-ն կարող է մասնակիորեն կամ ամբողջությամբ դադարեցնել Իսրայելի հետ առևտրային արտոնությունները՝ Գազայում մարդու իրավունքների խախտումների ֆոնին: Այս մասին հաղորդում է Politico-ն։

Բրյուսելի քննարկած տարբերակների թվում է պայմանագրի գործողության «ամբողջական կասեցումը» կամ ԵՄ-Իսրայել քաղաքական երկխոսության սահմանափակումը: Դրա համար կպահանջվի միության անդամ բոլոր 27 երկրների միաձայն աջակցությունը։

Ընդ որում, ինչպես նշվում է փաստաթղթում, համաձայնագրի «առևտրի կասեցումը» կարող է հաստատվել ԵՄ Խորհրդում ձայների մեծամասնությամբ: Այդ դեպքում Իսրայելը կզրկվի իր ապրանքները եվրոպական շուկա մատակարարելու արտոնություններից։