Ուկրաինան ունի երկու տարբերակ. Neue Zurcher Zeitung

Ռուսաստանի հետ հակամարտությունում Ուկրաինան ունի երկու տարբերակ՝ լիակատար պարտությունից խուսափելու համար։ Այս մասին հայտնում է շվեյցարական Neue Zurcher Zeitung թերթը։

Նյութի հեղինակների կարծիքով՝ ուկրաինական հրամանատարությունը կարող է կամ փորձել կրճատել կորուստները Ռուսաստանի բանակի հաջող առաջխաղացման պայմաններում, կամ օպերատիվ նահանջել առաջնագծի ողջ երկայնքով՝ կապիտուլյացիան կանխելու համար, եթե խաղաղ բանակցությունները փակուղի մտնեն:

Ըստ հոդվածի հեղինակների՝ Զելենսկին այժմ թակարդում է։ Մի կողմից նա միակն է, ով կարող է նահանջի հրաման տալ, մյուս կողմից կանգնած է երկընտրանքի առջև՝ ընտրություն ռազմական անհրաժեշտության և քաղաքական հույսի միջև, որ Կիևի դաշնակիցները կկատարեն իրենց խոստումները։