Թրամփը հարվածում է Կանադային՝ 35% մաքսատուրքով. սպառնում է ընդհանուր տուրքերով նաև ԵՄ-ին

ԱՄՆ նախագահ Դոնալդ Թրամփը հայտարարեց, որ օգոստոսի 1-ից Կանադայից ներմուծվող ապրանքների վրա կսահմանվի 35% մաքսատուրք, ինչը զգալի աճ է նախորդ 25%-ի համեմատ։ Թրամփը նաև ակնարկեց, որ պատրաստվում է 15-20% համընդհանուր մաքսատուրքեր կիրառել մնացած երկրների նկատմամբ՝ ներառյալ ԵՄ-ը։ Կանադայի վարչապետ Մարկ Քարնին հայտարարել է, որ իր կառավարությունը կպաշտպանի երկրի աշխատողներին և բիզնեսները՝ ամերիկյան կողմի հետ շարունակվող բանակցությունների ընթացքում։

Թրամփի նամակում նշվում էր, որ որոշ ապրանքների նկատմամբ՝ էներգիա, պարարտանյութեր, ինչպես նաև USMCA-ի շրջանակում համընկնող ապրանքներ, բացառություն կարվի։ Սակայն ԱՄՆ նախագահը մեղադրեց Կանադային՝ ֆենտանիլի հոսքը չկանգեցնելու, ինչպես նաև անարդար մաքսային և ոչ մաքսային արգելքների համար։ Թրամփ ընդգծեց, որ Կանադայի հետ հարաբերություններից կախված՝ հնարավոր է մաքսատուրքերը վերանայվեն։

Այս քայլերը շարունակական ճնշում են ֆինանսական շուկաների վրա․ ԱՄՆ-ն արդեն իսկ բարձր մաքսատուրքեր է սահմանել մի շարք երկրների, այդ թվում՝ Ճապոնիայի, Հարավային Կորեայի ու նույնիսկ պղնձի վրա՝ 50% չափով։ ԵՄ-ի նկատմամբ սպասվող նոր տուրքերի պատճառով ներդրողներն անհանգիստ են՝ հիշելով ԱՄՆ-Չինաստան առևտրային պատերազմի հետևանքները, գրում է Reuters-ը։