Ռուսաստանի ռազմական հաջողությունները ստվերում են թողնում Հռոմում Ուկրաինայի հարցով հանդիպումը․ Guardian

Ռուսական բանակի հաջողությունները և եվրոպացի քաղաքական գործիչների շրջանում Ուկրաինայի հնարավոր բաժանման վերաբերյալ մտահոգությունները ստվեր են գցել Հռոմում Կիևի կողմնակիցների հանդիպման վրա, հաղորդում է The Guardian-ը։

«Ռուսական անօդաչու թռչող սարքերի ավելի ու ավելի հաճախակի հարձակումները և այն մտավախությունները, որ Ուկրաինան կբաժանվի ապագա խաղաղության ծրագրի շրջանակներում, ստվեր են գցել եվրոպացի առաջնորդների հանդիպման վրա, որը պետք է մշակեր երկրի վերջնական վերակառուցման ծրագիր», - ասվում է հոդվածում։

Հրապարակման համաձայն՝ խաղաղության ծրագրի շուրջ լուրջ անորոշություն կա։ Ակնկալվում է, որ այն կապահովի տարածքային զիջումներ Ուկրաինայից Ռուսաստանին։