Ռուսաստանը հիասթափված է, որ իր դիրքորոշումը չեն հասկանում Եվրոպայում․ Պեսկով

Ռուսաստանի ղեկավարությունը հիասթափված է, որ Ուկրաինա օտարերկրյա զորքեր ուղարկելու անընդունելիության վերաբերյալ իր դիրքորոշումը չի հասկացվում եվրոպացի քաղաքական գործիչների կողմից։ Այս հայտարարությունն արել է Ռուսաստանի նախագահի մամուլի քարտուղար Դմիտրի Պեսկովը լրագրողների հետ ճեպազրույցի ժամանակ։

Լրագրողները նրան խնդրել են մեկնաբանել Ֆրանսիայի նախագահ Էմանուել Մակրոնի խոսքերը, որ, այսպես կոչված, «կամավորների կոալիցիան» պատրաստ է իր ռազմական զորակազմը տեղակայել Ուկրաինայում։

«Մենք շատ հիասթափված ենք, որ Մոսկվայից այս հարցի վերաբերյալ ուղարկվող բացարձակապես հստակ և հետևողական ազդանշանները հաշվի չեն առնվում, և դրանք չեն հասկացվում», - ասել է Կրեմլի խոսնակը։

Նա հավելել է, որ Ուկրաինա օտարերկրյա զորքեր ուղարկելու հարցը մեծ նշանակություն ունի Ռուսաստանի Դաշնության համար։ Ռուսաստանի իշխանությունները անընդունելի են համարում արևմտյան ռազմական զորակազմերի տեղակայումը երկրի սահմանի մոտ։

«Ընդհանուր առմամբ, եվրոպացի առաջնորդների նման համառությունը տեղավորվում է ներկայիս տրամադրությունների ընդհանուր ուրվագծի մեջ՝ ռազմատենչ, բախումային, հակառուսական տրամադրություններ։ «Այս առումով կարելի է միայն ափսոսանք հայտնել», - ամփոփել է Պեսկովը։