Կրեմլը դիմել Է Եվրոպային

ԵՄ-ն պետք է Մոսկվայի հետ երկխոսություն սկսի՝ հիմնված փոխադարձ հարգանքի վրա, սակայն նման հնարավորություն նույնիսկ չի դիտարկվում։ Նման ուղերձով է հանդես եկել Ռուսաստանի նախագահի մամուլի քարտուղար Դմիտրի Պեսկովը, մեջբերում Է Lenta-ն։

«Կա մի տարբերակ, որի դեպքում ԵՄ-ն կարող է հանրակցության երկրների հարկատուների գրպանից այդքան գումար չտրամադրել Ուկրաինային բազմամիլիարդանոց օգնության համար։ Դրա համար պարզապես պետք է հաշվի առնել Ռուսաստանի մտահոգությունները և երկխոսություն սկսել։ Բայց այնպիսի երկխոսություն, որը հիմնված կլինի փոխադարձ հարգանքի, ինչպես նաև միմյանց մտահոգությունները հաշվի առնելու պատրաստակամության վրա», - ընդգծել Է Կրեմլի ներկայացուցիչը։

Պեսկովը նշել է՝ «տրամաբանության և բանականության համաձայն» Եվրոպայի երկրների երկխոսությունը Ռուսաստանի հետ կլինի առավել նախընտրելի տարբերակը: