Պուտինը պատրաստ է անտեսել Թրամփի ճնշումը՝ պատերազմը սեփական պայմաններով ավարտելու համար

The New York Times-ի տվյալներով՝ Վլադիմիր Պուտինը որոշել է անտեսել ԱՄՆ նախկին նախագահ Դոնալդ Թրամփի դժգոհությունն ու հնարավոր ճնշումները։ Կրեմլին մոտ աղբյուրները հայտնել են, որ Պուտինը վստահ է՝ ռուսական բանակը մարտի դաշտում ունի առավելություն, և Ուկրաինայի պաշտպանությունը կարող է մոտ ապագայում փլուզվել։

Պարբերականը գրում է, որ Թրամփի վերաբերմունքի սառեցման ֆոնին Պուտինը պատրաստ է գնալ հարաբերությունների վատթարացմանը, եթե դա անհրաժեշտ է հակամարտությունն ավարտելու իր պայմաններով։ Նա չի դիտարկում ռազմական գործողությունների դադարեցում՝ առանց Կիևի կողմից զգալի զիջումների։

Ըստ աղբյուրների՝ Ռուսաստանը նախապես հաշվարկել է Վաշինգտոնի կողմից պատժամիջոցների խստացումը, սակայն հույս ունի, որ պատերազմական փուլից դուրս գալու պահին հնարավոր կլինի սկսել բանակցություններ դրանց մեղմացման շուրջ։