Կիրկորովը վերանորոգում է բնակարանը՝ հույսով Պուգաչովային վերադարձնել

Ռուս երգիչ Ֆիլիպ Կիրկորովը որոշել է վերանորոգել իր մոսկովյան բնակարանը՝ այն հարմարեցնելով Ալլա Պուգաչովայի վերադարձին։ Այս մասին NEWS.ru-ին հայտնել է պրոդյուսեր Իգոր Սենգերը՝ նշելով, որ Կիրկորովն այդ կերպ փորձում է վերամիավորվել նախկին կնոջ հետ։

Սենգերի խոսքով՝ Պուգաչովան, ի տարբերություն Մաքսիմ Գալկինի (ով ներառված է Ռուսաստանի արդարադատության նախարարության «օտարերկրյա գործակալների» ցանկում), բացասական մեկնաբանություններով հանդես չի եկել Ռուսաստանի հասցեին, ինչը կարող է հեշտացնել նրա վերադարձը։

Ավելի վաղ համացանցում հայտնվել էին կադրեր Կիրկորովի նոր վերանորոգված բնակարանից՝ ապակեպատ պատերով, ինքնանկարներով և ոսկեզօծ սանհանգույցով, ինչը վկայում է նրա շքեղ ապրելակերպի ու հնարավոր «դիմավորման» պատրաստվելու մասին։