NATO-ն պետք է ունենա ավելի շատ հեռահար հրթիռներ՝ Ռուսաստանին զսպելու համար. ԱՄՆ գեներալ

ԱՄՆ բանակի գեներալ Ջոն Ռաֆերթին հայտարարել է, որ ՆԱՏՕ-ին անհրաժեշտ է մեծացնել հեռահար հրթիռային ներուժը՝ զսպելու Ռուսաստանի աճող սպառնալիքը։ Նրա խոսքով՝ Մոսկվան ոչ միայն ընդլայնել է իր բանակը Ուկրաինայի պատերազմի մեկնարկից ի վեր, այլ նաև շարունակում է մեծացնել հեռահար հրթիռների և հակաօդային պաշտպանության համակարգերի արտադրությունը։

Ռաֆերթին նշել է, որ ՆԱՏՕ-ն հատկապես մեծապես կախված է ԱՄՆ-ից՝ հեռահար հրթիռների առումով։ Քանի որ Եվրոպական երկրների սեփական հրթիռների թիվը սահմանափակ է, ԱՄՆ-ը նախատեսում է 2026-ից սկսել նման համակարգերի ժամանակավոր տեղակայումը Եվրոպայում։ Դրանց թվում են մինչև 1,800 կմ հեռահարությամբ Tomahawk-ը և շուրջ 3,000 կմ հեռահարությամբ Dark Eagle հիպերձայնային հրթիռը, հայտնում է Reuters-ը։

Մինչդեռ Ռուսաստանը քննադատել է այդ ծրագիրը՝ այն համարելով ազգային անվտանգության լուրջ սպառնալիք։ Եվրոպական երկրները, հասկանալով իրենց տեխնոլոգիական կախվածությունը, սկսել են համատեղ ծրագիր՝ ELSA, որն ուղղված է սեփական հեռահար հրթիռների մշակմանը։ Մայիսին Բրիտանիան և Գերմանիան հայտարարել էին 2,000 կմ-ից ավելի հեռահարությամբ հրթիռի մշակման մեկնարկի մասին։