ԵՄ-ն սպասում է Թրամփի նոր մաքսային սպառնալիքին՝ անորոշության պայմաններում

ԵՄ-ն պատրաստվում է հնարավոր նամակի՝ ԱՄՆ նախագահ Դոնալդ Թրամփի կողմից, որով կարող են հայտարարվել նոր մաքսատուրքեր ԵՄ-ի նկատմամբ։ Այս զարգացումը հաջորդում է Թրամփի կողմից վերջին օրերին տարբեր երկրների, այդ թվում՝ Կանադայի և Հարավային Կորեայի նկատմամբ մաքսատուրքերի կտրուկ բարձրացմանը։

Թրամփը այս շաբաթ հայտարարեց 50% մաքսատուրք պղնձի վրա և 35%՝ կանադական ապրանքների համար՝ այդպիսով շեշտելով իր անկանխատեսելի մոտեցումը։ Եվրամիությունը փորձում է հասնել առնվազն միջանկյալ առևտրային համաձայնագրի, սակայն անդամ պետությունների միջև կան տարաձայնություններ․ Գերմանիան կողմ է արագ պայմանավորվածությանը, մինչդեռ Ֆրանսիան պնդում է չընդունել միակողմանի պայմաններ։

Մինչ այս, ԵՄ-ն արդեն սառեցրել էր 21 միլիարդ եվրոյի մաքսային պատժամիջոցներ ԱՄՆ-ի նկատմամբ, սակայն բացառում չէ, որ դրանք նորից ակտիվացվեն։ Որպեսզի «ցավը կամ շահը» հավասարապես բաշխվեն, ԵՄ-ը ցանկանում է հանդես գալ միասնական դիրքորոշմամբ։

Միևնույն ժամանակ, Թրամփի մաքսային քայլերն արդեն զգալի եկամուտ են բերել ԱՄՆ պետական բյուջեին՝ կազմելով ավելի քան $100 միլիարդ՝ հունվարից ի վեր։ Տնտեսագետները զգուշացնում են՝ եթե ստեղծվի նմանատիպ իրավիճակ, ինչպիսին ԱՄՆ-Չինաստան առևտրային պատերազմն էր 2018-ին, դա կարող է լրջորեն վնասել համաշխարհային շուկաներին, գրում է Reuters-ը։