Չինաստանը ձախողեց միասնական ճակատը Եվրոպայի հետ՝ ընդդեմ ԱՄՆ-ի

Չինաստանի և Եվրոպական միության միջև առևտրային լարվածությունը շարունակում է աճել։ CNBC-ի տվյալներով՝ կողմերը փոխադարձ սահմանափակումներ են սահմանել․ ԵՄ-ը արգելել է չինական ընկերությունների մասնակցությունը պետական բժշկական մրցույթներին, իսկ Պեկինը՝ սահմանափակել եվրոպական բժշկական սարքավորումների ներմուծումը և մաքսատուրքեր է դրել ԵՄ-ի կոնյակների վրա։

Ֆրանսիական IFRI ինստիտուտի վերլուծաբան Մարկ Ժյուլյենի խոսքով՝ Պեկինն արդեն ակնհայտ է դարձնում, որ չունի մտադրություն միավորվել Եվրոպայի հետ՝ ընդդեմ ԱՄՆ-ի։ Ըստ նրա՝ Չինաստանի գերարտադրությունը և եվրոպական արդյունաբերության պաշտպանության քաղաքականությունը բախվում են միմյանց։

Վերլուծաբանները նշում են, որ կողմերի առևտրային հարաբերությունները հասել են «վատ մակարդակի», քանի որ Եվրոպան փորձում է սահմանափակել Չինաստանից ներմուծումը՝ չտուժելու սեփական արտադրությունը, իսկ Պեկինը ակտիվորեն փնտրում է նոր շուկաներ՝ տնտեսական ճնշումը մեղմելու համար։