«Ժողովուրդ». Ինտելեկտուալ նախարարները մյուսներին «վերևից են նայում»

Թերթը գրում է. ««Ժողովուրդ»-ի՝ ՀՀ կառավարությանը մոտ կանգնած աղբյուրները փոխանցում են, որ ՀՀ վարչապետ Տիգրան Սարգսյանը վերջին ժամանակներս «ընտրել» է մի քանի նախարարների, որոնց հետ առավել շատ է գերադասում շփվել: Նրա սիրելի նախարարները համարվում են արդարադատության նախարար Հրայր Թովմասյանը, ՀՀԿ-ականներ, կրթության և գիտության նախարար Արմեն Աշոտյանը, էկոնոմիկայի նախարար Տիգրան Դավթյանը: Ըստ լուրերի՝ բացի վիսկիի նկատմամբ ընդգծված հարգալից վերաբերմունքից, այս նախարարներն այլ ընդհանուր հետաքրքրություններ էլ ունեն Տիգրան Սարգսյանի հետ: Նրանք հաճախ են ինտելեկտուալ քննարկումներ անում, անգամ եթերից դուրս, և անզեն աչքով նկատվում է, որ այս խումբը մյուս նախարարներին հիմնականում «վերևից է նայում»: Նրանք գործող կառավարության յուրայիններն են»: