Ռուսաստանում սրտի վիրահատություն իրականացվել է հեռաբժշկության միջոցով

Ռուսաստանում առաջին անգամ բժիշկները հեռաբժշկության միջոցով իրականացրել են սրտի վիրահատություն։ Պերմի սրտաբանական դիսպանսերի մասնագետները, օգտվելով «խելացի ակնոցներից», հեռավար կապ են հաստատել մոսկովյան փորձագետի հետ՝ ուղղորդելու բարդ միջամտությունը։

43-ամյա հիվանդը տեղափոխվել էր հիվանդանոց ուժեղ արտասովոր առիթմիայով։ Բժիշկները որոշել են իրականացնել ռադիոհաճախական աբլացիա՝ բարձր հաճախականությամբ հոսանքի միջոցով ոչնչացնելով սրտի հիվանդ հատվածները։ Գործընթացը վերահսկվել է Մոսկվայի գիտական կենտրոնի արհեստավարժ արիտմոլոգի կողմից՝ իրական ժամանակում փոխանցվող 4K տեսագրության հիման վրա։

Վիրահատությունը հաջող է անցել․ մի քանի օր շարունակ հիվանդի մոտ սրտի ռիթմի խանգարումներ չեն արձանագրվել։ Ներկայումս կինը գտնվում է վերականգնման փուլում, գրում է Лента.ру-ն։