Հայտնի են Air India-ի ինքնաթիռի կործանման մանրամասները

Հնդկական Air India Boeing 787-8 Dreamliner-ի վթարը տեղի է ունեցել թռիչքից անմիջապես հետո շարժիչների վառելիքի մատակարարման դադարի պատճառով, հաղորդում է ՌԻԱ Նովոստին՝ հղում անելով վթարի նախնական հետաքննության զեկույցին։

Փաստաթղթի համաձայն՝ շարժիչների վառելիքի մատակարարումը դադարել է թռիչքից անմիջապես հետո, ինչը խառնաշփոթ է առաջացրել օդաչուի խցիկում։ Նշվում է, որ 1-ին և 2-րդ շարժիչների վառելիքի մատակարարումը դադարել է անմիջապես ինքնաթիռի առավելագույն արագությանը հասնելուց հետո։

«Օդաչուի խցիկում տեղի ունեցած զրույցների ձայնագրության մեջ լսվում է, թե ինչպես է օդաչուներից մեկը հարցնում մյուսին՝ ինչու է անջատել շարժիչները։ Երկրորդ օդաչուն պատասխանել է, որ ինքը դա չի արել», - ասվում է հաղորդագրության մեջ։