«Հայկական ժամանակ». Աղաբաբյանին թույլ չեն տալու առաջադրվել

Թերթը գրում է. «Իշխանական աղբյուրները հայտնում են, որ մի շարք գործող պատգամավորների այս անգամ ոչ միայն թույլ չեն տալու մեծամասնական ընտրակարգով առաջադրվել, այլև նրանց անուններն անգամ ՀՀԿ-ի համամասնական ցուցակում չի լինելու: Այդ պատգամավորների թվում նշվում է նաև Աշոտ Աղաբաբյանի անունը, որ խորհրդարան էր մտել թիվ 41 ընտրատարածքից (Շիրակի մարզ): Այս կապակցությամբ և՛ նախօրեին, և՛ երեկ թերթը փորձել է ստանալ Աղաբաբյանի մեկնաբանությունը: Նա, սակայն, հայտարարել է, թե հանրապետությունում չէ: Իսկ երեկ էլ ասել է, որ գիտի՝ այստեղ ինչ են ուզում անել: «Ես բուժվելու իրավունք չունե՞մ: Ես շաբաթ օրը կգամ, կխոսենք»,- ասաց նա: Չի բացառվում, որ Աղաբաբյանը «Հրազդան» մարզադաշտի հետ կապված ինչ-որ բան նկատի ուներ, որի թեման ՀՖՖ նախագահ Ռուբեն Հայրապետյանը նախօրեին հայտարարել էր փակված: Երբ ասացինք, որ հարցը մարզադաշտի հետ կապված չէ, պատգամավորն այլևս չլսեց էլ ու անջատեց հեռախոսը»: