Նա անկեղծորեն հավատացյալ, եկեղեցասեր մարդ է. Պատրիարք Կիրիլ

Ռուսաստանի նախագահ Վլադիմիր Պուտինը հավատարիմ է քրիստոնեական հավատքին և ակտիվ մասնակցում է եկեղեցու կյանքին։ Այս մասին հայտարարել է Մոսկվայի և Համայն Ռուսիո պատրիարք Կիրիլը՝ ընդգծելով, որ Պուտինը ոչ թե պարզապես ներկայանում է որպես հավատացյալ, այլ իրականում ապրում է եկեղեցական արժեհամակարգով։

«Նա չի վախենում այցելել եկեղեցի, հաղորդություն ընդունել և իր վարքով օրինակ է ծառայում մեր ժողովրդի համար՝ որպես բարի քրիստոնյա»,- նշել է պատրիարքը։

Նա հավելել է, որ Խորհրդային Միության տարիների հակաքրիստոնեական ճնշումներից հետո եկեղեցին վերածնվել է, և դրա հետ մեկտեղ՝ նաև հայրենիքը։ Այդ վերածննդի ուղեկցությամբ, պետության ղեկին կանգնած է մարդ, ով անկեղծորեն կրում է ուղղափառ հավատքի գաղափարները, գրում է Лента.ру-ն։