Ուկրաինական անօդաչուների բեկորները հրդեհներ են առաջացրել Կրասնոդարի երկրամասում

Ուկրաինական անօդաչու թռչող սարքերի բեկորների անկումից հետո Կրասնոդարի երկրամասում հրդեհվել են դաշտեր։ Ըստ տարածաշրջանի օպերատիվ շտաբի՝ Դինսկի շրջանում այրվել է մաքրած ցորենի դաշտ Պլաստունովսկայա ստանիցայի մոտ։ Իսկ Տիմաշևսկի շրջանում հրդեհներ են բռնկվել Նեզայմանովսկայա և Մեդվեդովսկայա բնակավայրերի դաշտերում։

Բոլոր հրդեհները հաջողությամբ մարվել են, տուժածներ և ավերածություններ չկան։

Ավելի վաղ ՌԴ պաշտպանության նախարարությունը հայտնել էր, որ հակաօդային ուժերը խոցել են ութ ուկրաինական անօդաչու սարք՝ որոնցից երեքը՝ հենց Կրասնոդարի երկրամասում, գրում է Лента.ру-ն։