Մոսկվայի մարզում հայտնաբերվել է 150 ապօրինի ներգաղթյալ

Ուժայիններն ավելի քան 500 միգրանտի են ստուգել Մոսկվայի մարզի Բալաշիխայում տեղի ունեցած «ռեյդի» ընթացքում, 150-ի մոտ հայտնաբերվել են խախտումներ։ Այս մասին հայտնում է Ռոսգվարդիայի մամուլի ծառայությունը:

«Մոսկվայի Ռոսգվարդիայի գլխավոր վարչության «Ավանգարդ» հատուկ նշանակության զորքերի աջակցությամբ իրականացված «ռեյդին» մասնակցել են ՌԴ քննչական կոմիտեի զինվորական քննչական բաժնի, զինկոմիսարիատի, տարածքային անվտանգության վարչության, ինչպես նաև Մոսկվայի և Մոսկվայի մարզի անվտանգության դաշնային ծառայության աշխատակիցները»,- նշված է Ռոսգվարդիայի հաղորդագրությունում։

Ռոսգվարդիայի տվյալներով ՝ անօրինական միգրանտները տեղափոխվել են ոստիկանություն հավելյալ ստուգումներ անցկացնելու համար։

Ծանուցագրեր են հանձնվել նաև զինվորական հաշվառման մեջ չգտնվող 35 քաղաքացու։