Մերցը Գերմանիային պատրաստում է Ռուսաստանի հետ պատերազմի․ քաղաքագետ

Գերմանիան ռազմականացնելով՝ կանցլեր Ֆրիդրիխ Մերցը երկիրը պատրաստում է Ռուսաստանի հետ ուղղակի ռազմական հակամարտության։ Այս մասին ՌԻԱ Նովոստիին հայտնել է Արտաքին և պաշտպանական քաղաքականության խորհրդի հետազոտությունների գծով փոխտնօրեն Դմիտրի Սուսլովը։

Նրա խոսքով՝ Մերցն իր կուրսով Գերմանիային վերածում է Ռուսաստանի թշնամու։ Մասնագետը նշել է, որ այս գործընթացը սկսվել է նախորդ կանցլեր Օլաֆ Շոլցի օրոք, բայց Մերցն ավելի շատ ջանքեր է գործադրում՝ այդպիսով փորձելով ամրապնդել «քաղաքական ղեկավարությունը Եվրոպայում»։

Ռուսական հռետորաբանության օգնությամբ Բեռլինն ավելի հեշտությամբ կարող է նյութական ռեսուրսներ ձեռք բերել իր ծրագիրն իրականացնելու համար։ «Խոսքը Երրորդ Ռայխի վերածննդի մասին է»,-կարծում է Սուսլովը։

«Հաշվի առնելով, որ Մերցը կոչ է անում չվախենալ Ռուսաստանից, այսինքն՝ նա պաշտպանում է 1945 թվականից հետո գերմանացիների մոտ ձևավորված վախի հաղթահարումը, նրան կարելի է համարել Ռուսաստանի բացահայտ թշնամի։ Նա զբաղվում է պատերազմին երկրի նյութատեխնիկական և քաղաքական-հոգեբանական նախապատրաստմամբ», - ասել է Սուսլովը։