Թրամփը հայտարարել է, որ «զարմացած» է Պուտինի վարքագծից

ԱՄՆ նախագահ Դոնալդ Թրամփը կրկին արտահայտել է իր հիասթափությունը Ռուսաստանի նախագահ Վլադիմիր Պուտինից և ակնարկել, որ նա չի պահում իր խոսքը։ Fox News.-ը հեռարձակել է Սպիտակ տան ղեկավարի զրույցը լրագրողների հետ Էնդրյուսի ռազմաօդային բազայում։

«Բայց ես շատ հիասթափված եմ նախագահ Պուտինից։ Գիտեք, ես կարծում էի, որ նա իր խոսքը պահող մարդ է, բայց նա այնքան գեղեցիկ է խոսում, իսկ հետո գիշերը ռմբակոծում է մարդկանց։ Մեզ դա դուր չի գալիս», - ասել է Թրամփը։

Ամերիկացի առաջնորդի խոսքով՝ «Պուտինը շատ մարդկանց զարմացրեց»։