Չեխիան կոչ է արել Սլովակիային չարգելափակել Ռուսաստանի դեմ նոր պատժամիջոցները

Չեխիայի վարչապետ Պետր Ֆիալան խնդրել է Սլովակիայի վարչապետ Ռոբերտ Ֆիցոյին չարգելափակել Ռուսաստանի դեմ ԵՄ պատժամիջոցների 18-րդ փաթեթը: Նա այս մասին գրել է X սոցիալական ցանցի իր էջում։

«Ես կարծում եմ, որ Սլովակիան, որպես մեր ամենամոտ գործընկեր տարածաշրջանում, հաշվի կառնի իր պատասխանատվությունը ազատության, անվտանգության և համերաշխության ընդհանուր եվրոպական արժեքների նկատմամբ», - գրել է Ֆիալան։

Bloomberg-ի փոխանցմամբ՝ Եվրոպական հանձնաժողովը պատրաստ է Սլովակիային տրամադրել «որոշ երաշխիքներ»՝ Ռուսաստանի դեմ պատժամիջոցների նոր փաթեթի արգելափակումը դադարեցնելու դիմաց։