Ռուս պատանդների մասին բացահայտվել են նոր մանրամասներ

Ռուսաստանի մարդու իրավունքների հանձնակատար Տատյանա Մոսկալկովան հայտնել է, որ Ուկրաինայի Սումիի մարզում դեռ պահվում են Կուրսկի մարզից տեղափոխված 30 ռուսաստանցիներ։ Նրա խոսքով՝ սա հաստատվել է նաև Կարմիր խաչի միջազգային կոմիտեի կողմից։

Մոսկալկովան նշել է, որ պատանդներին ապահովում են սնունդով և դեղամիջոցներով, սակայն դա չի մեղմում ռուսական կողմի մտահոգությունը նրանց ճակատագրով։

Նա հույս է հայտնել, որ Ստամբուլի ձևաչափով ձեռք բերված պայմանավորվածությունների շրջանակում կկայանա նրանց ազատումը։ Ավելի վաղ Մոսկալկովան դիմել էր Հռոմի Պապին՝ խնդրելով աջակցել խաղաղ բնակիչների վերադարձին։