ՌԴ-ն բնակարանի համար փոխհատուցում կտրամադրի զոհված զինծառայողների կանանց

Ռուսաստանի կառավարությունը որոշում է ընդունել ֆինանսական աջակցություն տրամադրել Ուկրաինայում հատուկ ռազմական գործողությունների գոտում զոհված զինծառայողների կանանց՝ բնակարան կամ տուն գնելու համար։ Օգնությունը հասանելի կլինի այն կանանց, ովքեր չեն ամուսնացել կրկին, ունեն մեկ կամ ավելի երեխա և մինչև 35 տարեկան են։

Փաստաթղթի համաձայն՝ նրանք, ովքեր բնակարանային պայմանների բարելավման կարիք ունեն, կկարողանան ստանալ բնակարանի արժեքի առնվազն 35 տոկոսը՝ որպես միանվագ վճարում։ Գումարը թույլատրելի կլինի ուղղել նորակառույց բնակարանի կամ սեփական տան գնմանը, կառուցմանը, իպոտեկային կանխավճարին կամ վարկի մարումին։

Ավելի վաղ Ռուսաստանում քննարկվել էր ընդլայնել հատուկ ռազմական գործողությունների գոտու մասնակիցների ընտանիքներին տրամադրվող արտոնությունները՝ ներառելով նույնիսկ նրանց խորթ երեխաներին՝ պետական բարձրագույն կրթություն ստանալու հնարավորությամբ, հայտնում է Лента.ру-ն։