Crew Dragon-ը՝ Ax-4 առաքելության անձնակազմով, հաջողությամբ հեռացել է ՄԿՍ-ից

NASA-ն հայտնել է, որ Crew Dragon տիեզերանավը, որն իրականացնում է Axiom Mission 4 (Ax-4) առաքելությունը, հաջողությամբ անջատվել է Միջազգային տիեզերակայանից։ Անջատումը տեղի է ունեցել հուլիսի 14-ին՝ Երևանի ժամանակով ժամը 15:15-ին։

Տիեզերանավը նախատեսվում է վայրէջք կատարի Կալիֆոռնիայի ափերի մոտ՝ հուլիսի 15-ին։ Անձնակազմում են ամերիկուհի Պեգգի Ուիթսոնը, հնդիկ Շուբհանշու Շուկլան, լեհ Սլավոշ Ուզնանսկի-Վիշնևսկին և հունգարացի Տիբոր Կապուն։

Ax-4-ը համարվում է Axiom Space-ի չորրորդ մասնավոր առաքելությունը, որը միտված է կոմերցիոն տիեզերագնացության զարգացմանը և միջազգային համագործակցության խորացմանը։