ԱՄՆ-ն առաջարկում է կառավարել Զանգեզուրի միջանցքը 100 տարով՝ լուծելու համար հայ-ադրբեջանական վեճը

ԱՄՆ-ը պատրաստ է ստանձնել Զանգեզուրի միջանցքի կառավարումը՝ որպես խաղաղ գործընթացին աջակցող միջնորդ։ Այս մասին հայտարարել է ԱՄՆ դեսպան Թոմաս Բարրակը՝ հավելելով, որ ամերիկյան մասնավոր ընկերություն կարող է վերահսկել միջանցքը 100 տարվա վարձակալությամբ։ Նրա խոսքով՝ միջանցքով կկարողանան օգտվել ինչպես Հայաստանը, այնպես էլ Ադրբեջանը։

Բարրակը նշել է, որ երկու կողմերն արդեն տասը տարի վեճի մեջ են ընդամենը 32 կիլոմետրանոց ճանապարհի շուրջ, ինչը «հաղթահարվող, բայց լուրջ խնդիր է»։ Առաջարկը ենթադրում է համատեղ օգտագործում՝ ամրապնդված արտաքին վերահսկողությամբ, ինչը կարող է նպաստել վստահության վերականգնմանը կողմերի միջև, փոխանցում է Лента.ру-ն:

Զանգեզուրի միջանցքի հարցը դարձել է Հայաստան-Ադրբեջան բանակցությունների առանցքային թեման։ Վերջերս այն քննարկվել է Իլհամ Ալիևի և Նիկոլ Փաշինյանի հանդիպման ժամանակ, ինչպես նաև Ռուսաստանի նախագահ Վլադիմիր Պուտինի հետ առանձին բանակցություններում։ ԱՄՆ-ի առաջարկը կարող է փոխել ուժերի բալանսը տարածաշրջանում։