Փաշինյանի բազմավեկտոր քաղաքականությունը կարող է փակուղու տանել. ՌԴ

Ռուսաստանի Դաշնային խորհրդի անդամ Անդրեյ Կլիմովը մեկնաբանել է ՀՀ վարչապետ Նիկոլ Փաշինյանի այցը Բրյուսել՝ զգուշացնելով, որ Հայաստանի վարած բազմավեկտոր արտաքին քաղաքականությունը կարող է փակուղի տանել։ Նրա խոսքով՝ միաժամանակ բոլոր ուղղություններով շահ փնտրելու փորձերը հաճախ հանգեցնում են կորստի։

Փաշինյանը Բրյուսելում հանդիպել է ԵՄ խորհրդի նախագահ Անտոնիո Կոշտայի, Եվրոպական հանձնաժողովի ղեկավար Ուրսուլա ֆոն դեր Լյայենի, ինչպես նաև ԵՄ ընդլայնման հարցերով հանձնակատարի և Բելգիայի վարչապետի հետ։ Կլիմովը նշել է, որ նման հանդիպումները ՀՀ սուվերեն իրավունքն են, բայց զգուշացրել է՝ «ամեն կողմից օգուտ ստանալը քչերին է հաջողվել»։

Հիշեցնենք, որ ապրիլին Հայաստանը հաստատել է Եվրամիությանը միանալու նպատակը, իսկ հուլիսին ԱԳՆ-ն հայտարարել էր Շանհայի համագործակցության կազմակերպության անդամակցության ցանկության մասին։ Ռուսաստանի արձագանքը փաստում է, որ Երևանի դիվանագիտական մանևրները ուշադիր հետևվում են Մոսկվայում, գրում է Лента.ру-ն։