Ավստրալիան առաջին անգամ կրակում է HIMARS հրթիռ՝ ԱՄՆ-ի հետ համատեղ զորավարժությունների ընթացքում

Ավստրալիայի բանակը հուլիսի 14-ին առաջին անգամ կրակեց HIMARS հեռահար հրթիռ՝ «Talisman Sabre 2025» զորավարժությունների ընթացքում՝ ԱՄՆ-ի և Սինգապուրի զինված ուժերի հետ։ Ռազմանավթի վրա տեղադրվող այդ համակարգը, որը կարող է խոցել մինչև 400 կմ հեռավորության վրա գտնվող թիրախներ, դարձել է մեծ պահանջարկ ունեցող սպառազինություն՝ ինչպես Ուկրաինայում, այնպես էլ Չինաստանի ռազմական ակտիվությանը պատասխանելու նպատակով Ինդո-Խաղաղօվկիանոսյան տարածաշրջանում։

Զորավարժությունների առաջին օրը, Ավստրալիայի Քվինսլենդ նահանգում, ԱՄՆ-ը, Ավստրալիան, Ճապոնիան, Ֆրանսիան, Հարավային Կորեան և Սինգապուրը մասնակցեցին կենդանի կրակով վարժանքների, որոնց մասնակցեցին նաև ամերիկյան F-35B կործանիչներ։ Սա HIMARS համակարգի առաջին համատեղ կիրառումն էր Ավստրալիայում։

Ավստրալիան պատվիրել է 42 նման համակարգ՝ Lockheed Martin-ից, և արդեն ստացել է առաջին երկուսը։ Երկիրը նախատեսում է հաջորդ տասնամյակում ծախսել $49 միլիարդ հրթիռային սպառազինության վրա, այդ թվում՝ ներքին արտադրական կարողությունների զարգացմամբ։ ԱՄՆ բանակի գեներալ Ջոել Վոուելը ընդգծել է, որ նման զորավարժությունները «զսպող մեխանիզմ» են՝ տարածաշրջանում խաղաղություն պահպանելու նպատակով, ,գրում է Reuters-ը։