Որ պետությունների դեմ են ուղղված Հայաստան-Ադրբեջան բանակցությունները Աբու Դաբիում․ NI

Բաքուն Իսրայելին թույլ է տվել իր տարածքից ԱԹՍ-ներով հարձակվել իրանական հրթիռների և ՀՕՊ համակարգերի վրա 12-օրյա պատերազմի սկզբում: Այս մասին հայտնում է National Interest-ը։ 

«Իսրայելը շարունակում է Ադրբեջանն օգտագործել իր ԱԹՍ-ների և հետախուզական գործողությունների համար, որոնք ուղղված են Իրանի դեմ։ Մինչև վերջերս ադրբեջանցիները ստիպված էին Իրանին տարանցիկ տուրք վճարել Թուրքիա բնական գազ մատակարարելու համար։ Սակայն, եթե Բաքվին հաջողվի յուրացնել «Զանգեզուրի միջանցքը», ապա նա ամբողջովին կզրկի Թեհրանին եկամտի կարևոր աղբյուրից:

Հենց այս համատեքստում են տեղի ունեցել Հայաստանի և Ադրբեջանի բանակցությունները Աբու Դաբիում։ Այդ բանակցությունները ոչ թե կրոնական վաղեմի վեճը կարգավորելու փորձ են դարձել, այլ ավելի շուտ մասշտաբային աշխարհաքաղաքական խաղ են ներկայացնում Եվրասիայի խորքում գտնվող տարածքների նկատմամբ գերիշխանության համար, որոնք ավանդաբար գտնվում են Ռուսաստանի, Իրանի և Չինաստանի իրավազորության ներքո», - նշել է պարբերականը։