Գերմանիան և ԱՄՆ-ն համաձայնության են եկել Ուկրաինային Patriot համակարգեր մատակարարելու հարցում

Գերմանիան և Միացյալ Նահանգները համաձայնության են եկել Ուկրաինային երկու Patriot զենիթահրթիռային համակարգեր փոխանցելու հարցում, հաղորդում է Bloomberg-ը՝ հղում անելով Գերմանիայի պաշտպանության նախարար Բորիս Պիստորիուսի հայտարարությանը։

Նախարարի խոսքով՝ ոչ ոք չի կասկածում Ուկրաինայի կողմից այդ համակարգերի անհապաղ անհրաժեշտության մեջ, սակայն մատակարարման գործընթացը զգալի ժամանակ կպահանջի։ Պիստորիուսը ընդգծել է, որ նախ պետք է կայացվի պաշտոնական որոշում, որը կարող է տևել մի քանի օր կամ շաբաթ։ Միայն դրանից հետո կսկսվեն առաքման նախապատրաստական աշխատանքները, որոնք նույնպես կտևեն ամիսներ։

Գերմանիայի պաշտպանության նախարարության ղեկավարը հավելել է, որ Բեռլինը հետաքրքրված է նաև Միացյալ Նահանգներից միջին հեռահարության Typhon հրթիռային համակարգը գնելով։