Ադրբեջան-Իսրայել-Թուրքիա դաշինքը փոխում է ուժերի հավասարակշռությունը Հարավային Կովկասում․ CT

Ադրբեջան-Իսրայել-Թուրքիա դաշինքը փոխում է ուժերի հավասարակշռությունը Արևմտյան Ասիայում և Հարավային Կովկասում: Այս մասին գրում է The Cradle Türkiye-ը:

«Բաքու-Անկարա հարաբերությունները զարգանում են նաև վիճահարույց «Զանգեզուրի միջանցքի» շնորհիվ, որը կոչված է Հայաստանի Սյունիքի մարզով միացնելու Նախիջևանն ու Ադրբեջանը: Թեհրանի կողմից մերժված այդ միջանցքը նախատեսում է Թուրքմենստանի և Կենտրոնական Ասիայի մյուս թյուրքալեզու հանրապետությունների հետ ուղիղ կապ: Երևանը ընդդիմացավ դրան՝ դա գնահատելով որպես իր ինքնիշխանության խախտում։ Սակայն վերջերս տեղ գտած տեղեկությունները վկայում են՝ ՀՀ վարչապետ Նիկոլ Փաշինյանը նախնական պայմանավորվածություն է ձեռք բերել 2025 թվականի հունիսին Թուրքիա չհայտարարված այցի ընթացքում: Եթե այս տեղեկությունը հաստատվի, Անկարայի անդրկուլիսյան ազդեցությունն ու եռակողմ դաշինքի աճող ազդեցությունն էլ ավելի ակնհայտ կդառնան։ 

Ադրբեջան-Իսրայել-Թուրքիա առանցքը, որը սնուցվում է Բաքվի սանձարձակ նկրտումներով, բազմակողմանի մարտահրավեր է Իրանի տարածաշրջանային ազդեցությանը: Սակայն Թեհրանը, կարծես թե, դեռևս չի մշակել հակազդեցության հետևողական ռազմավարություն: Իրանցիները շարունակում են բարեհաճ վերաբերվել Ադրբեջանին: Հաշվի առնելով հրապարակային ենթադրություններն այն մասին, որ Ադրբեջանը օգնել է Իսրայելին Իրանի վրա հարձակումներում, Թեհրանի «եղբայրական» մոտեցումը Բաքվում կարող է մեկնաբանվել որպես թուլություն և միամտություն», - հայտնել է պարբերականը: