Պուտինի անունը կրող թաղամասում կկառուցվի հսկա զբոսայգի և շքեղ շատրվան

Չեչենական մայրաքաղաք Գրոզնիում, Վլադիմիր Պուտինի անունը կրող թաղամասում, կկառուցվի ավելի քան 86 հազար քմ մակերեսով զբոսայգի՝ նախատեսված հանգստի և ժամանցի համար։ Այս մասին հայտնել է քաղաքապետարանը։

Զբոսայգու կենտրոնական կետը կլինի դիտակետային անիվ՝ հիասքանչ տեսարանով դեպի Գրոզնին։ Նախագծում ընդգրկված է նաև յուրօրինակ շատրվան՝ հսկայական ծաղկի տեսքով, որի թերթիկներից ջուր կթափվի ներքև։

Նոր լոկացիայի բացումն ակնկալվում է 2027-ի կեսերին։ Ավելի վաղ Ռամզան Կադիրովը հայտարարել էր, որ 2025 թվականը կկենտրոնանա Գրոզնիի և Պուտինի անունով թաղամասի զարգացման վրա, հայտնում է Лента.ру-ն։