Բանակի կորուստների ֆոնին Նեթանյահուի վրա ճնշումը մեծանում է

Իսրայելի բանակը հայտնել է, որ երկուշաբթի օրը Գազայի հյուսիսում զոհվել են երեք զինծառայողներ, իսկ ևս մեկը վիրավորվել է։ Վարչապետ Բենիամին Նեթանյահուն հայտարարել է, որ պատերազմը կշարունակվի «մինչև բացարձակ հաղթանակ»։

Սակայն նման հայտարարությունները բողոքի ալիք են բարձրացրել՝ հատկապես գերեվարվածների և զոհված զինվորների ընտանիքների կողմից։ Նրանք պնդում են, որ «արյունը թափվում է զուր» և պահանջում են հրադադարի համաձայնագիր։

Միևնույն ժամանակ, Նեթանյահուի կոալիցիան կանգնած է փլուզման շեմին։ Ծայրահեղ աջ ուժերը սպառնում են լքել կառավարությունը, եթե ստորագրվի հրադադարի որևէ պայմանագիր, գրում է Al-Jazeera-ն։

Երկուշաբթի օրը Նեթանյահուի կառավարությունում ընդգրկված ուլտրաորթոդոքս խմբավորումներից մեկը հայտարարեց կոալիցիայից դուրս գալու մասին՝ զորակոչի օրենքի շուրջ ներքին հակասությունների պատճառով։ Իսրայելի գլխավոր դատախազը նախազգուշացրել է, որ կառավարությունը չի կիրառում օրենքը՝ զորակոչից խուսափողների նկատմամբ։ Ուլտրաորթոդոքս ուժերն ultimatum են ներկայացրել՝ Նեթանյահուն ունի 48 ժամ, հակառակ դեպքում՝ կոալիցիան կփլուզեն։